МарГУ пелен Финн йылме да тӱвыра кеҥеж курс

Марий кугыжаныш университет пелен Финн йылме да тӱвыра кеҥеж курс эрташ тӱҥалеш. Курс сӱрем тылзын 4-22-шо кечлаштыже Финляндийысе CIMO Тӱнямбал мобильность рӱдерын эрта.
Тышке Мордовий, Марий Эл, Коми, Одо республикла, Пермь да Хант-Манси кундем гыч кумылан-влак толыт.
Организатор-влакын палемдымышт почеш, тений курсышто финн йылмым тунемаш веле огыл, тыгак марий йылме да тӱвыра дене палыме лияш йӧн ышталтын. Программе почеш, тунемше-влак кас мероприятийлаште (финн-угор модыш, муро, куштымаш, калык кочкыш) участвоватлаш тӱҥалыт, Морко да Курыкмарий районлашке, Йошкар-Ола да Козьмодемьянск ола-влакын тоштерлашкышт экскурсий дене лектын коштыт. 
Ушештарем, икымше гана тыгай курс Финляндийын Турку олаштыже 1992-шо ийыште эртен. Пытартыш гана Марий кугыжаныш университет 2012-шо ийыште курсын участникше-влакым вашлийын.

Кидшер
Шонымашым ешараш