Колумб лудмаш — йӱлашке пурышо, ик эн оҥай, шкешотан конкурс.
Тений Валентин Колумблан пӧлеклалтше «Сылнымут аршаш» поэзий пайрем 1 июльышто эртен. Конкурс Марий Элысе тӱвыран сулло пашаеҥже, М. Шкетан лӱмеш кугыжаныш драме театрын ончычсо директоржо, поэт Юрий Русановлан пӧлеклалтын.
Конкурсыш Морко, Звенигово, Волжский, Советский, У Торъял, Кужэҥер, Параньга районла да Йошкар-Ола гыч чылаже 61 участник толын. «Колумбын почеламутшо-влак», «В.Колумбын кусарыме почеламутшо-влак», «Автор-влакын произведенийышт», «Поэт Ю.Русановын почеламутшо-влак», «В.Колумбын да Ю.Русановын почеламутшо-влаклан возымо муро-влак», «Автор-влакын мурышт» номинаций-влак дене таҥасымаш эртен.
Конкурсышто 12 ияш, 12 гыч 16 ияш, 16 гыч 20 ий марте, 20 ияш да кугурак ийготан-влак усталыкыштым ончыктеныт. Тӱрлӧ номинацийыште икымше верым налше-влакын лӱмыштым палдарена:
12 ияш марте ийготан-влак коклаште Ксения Григорьева (Морко, Эҥерсола школ), Юлия Васильева (Советский. Алексеевский школ).
12-16 ияш коклаште – Екатерина Рыбакова (Шернур раойн 2-шо номеран школ), Иван Васильев (Морко, Арын школ)
16-20 ияш коклаште – Ольга Васильева (Йошкар-Ола, 14-ше номеран школ) .
«В.Колумбын кусарыме почеламутлаже» номинацийыште 12 ияш марте ийготан-влак коклаште: Александра Аникеева (Волжский, Памар школ).
12-16 ияш коклаште – Ирина Кугергина (Йошкар-Ола, 21-ше номеран школ).
16-20 ияш – Татьяна Горохова (Советский. Ӱшнӱр школ).
«Шке возымо почеламутым лудшо-влак» номинацийыште 12 ияш март ийготан коклаште — Леонид Андреев (Морко, Шӱргыял школ).
12-16 ияш – Валентина Кушакова (Советский, Кодам школ) .
«Поэт Ю.Русановын почеламутшо» номинацийыште:
12 ияш марте – Анастасия Сидорова (Морко, Унчо школ),
12-16 ияш марте – Дарья Яковлева (Морко, 2-шо номеран школ).
16 -20 ияш марте – Дарья Иванова (Морко, Унчо школ).
«В.Колумбын да Ю.Русановын почеламутшо-влаклан возымо муро-влак» номинацийыште Наталья Васильева (Йошкар-Ола, 30-шо номеран школ), Надежда Ильина (Ижевск оласе медицине училище), Евгений Каменщиков (Кужэҥер Йывансола) да «Куан памаш» (Морко, Кокласола. Вуйлатышыже Валерий Петров).
20 ияш да кугурак ийготан-влак коклаште 1 вер дене Елена Григорьева (Морко, Шӱргыял) да Людмила Игнатьева (Морко, Унчо) палемдалтыныт.
А.М.Юзыкайным шарныме лӱмеш поэт З.Дудинан премийжым Морко район Купсола школ гыч Анастасия Ивановалан кучыктеныт. «Кугарня» газетын призшым эн изи участник, вич ияш Екатерина Александровалан (Морко, 2-шо номеран йочасад) пуэнна. М.Шкетан театр ятыр пӧлекым кучыктен.
Татьяна Пчёлкина, жюри член.
Наталия Александрован фотожо.