«УнчоFest» лагерь-семинарын пашаже кая

«УнчоFest» лагерь-семинарын пашаже вораҥын кая: участник-влак лекцийым колыштыт, мастер-класслам эртат.
Таче форумышто Морко районын главаже Григорьев Сергей Харитонович дене вашлийыныт. Нуно глава дене лагерь-семинар шотышто шке шонымашыштым, тыланымашыштым ойленыт, икте-весышт дене мутым вашталтеныт.  Умбакыже кумылан-влак отышко кумалаш миеныт. Варажым, студий-влакын пашашт шолын. Нуно кӱчык  «Эх, Унчо… Ах, Унчо. Ох, Унчо!» фильымыштлан материалым погеныт.
Кас велеш ялысе калык да эксперт-влак участник-влакын кондымо пашаштым акленыт. Кече «Ямде лий» йоча газетын пашаеҥже Анфиса Эманова дене тулото воктене мучашлалтын, а ялысе клубышто самырык калык Алексей Котлов (Dj Дождик) дене пырля куштымаш касыш чумырген.



Кидшер
Шонымашым ешараш