«Кидшер» интернет-журнал шке сынжым вашталтен. Уэмдалтше савыктыш моторрак, компьютер гыч гына огыл, тыгак планшет але телефон гычат лудаш йӧнан лийын.
«Кум ий жапыште тиде «Кидшерын» ик эн кугу уэмдалтмыже. Ончыч телефон гоч улшо лудшына-влак компьютерысе версийымак лаштыкленыт гын, кызыт чыла вес семын: кажне гаджетлан келыштарыме дизайн, — каласкала «Кидшер» интернет-журналын тӱҥ редакторжо Николай Любимов. — Лудшылан сайтыште йӧнан лийже манын «кӱлдымӧ» деталь-влакым кораҥденна, структурым вашталтенна. Каласыман, ынде сайтыште тӱрлӧ видеоматериал-влакым савыкташ, онлайн-трансяцийым эртараш тӱҥалына». Тидын годымак «Кидшер» ынде ныл йылме дене савыкталтеш. Марий йылмын кок наречийже да руш йылме деч посна татар йылмым ешаренна. Сандене, татар йылмым сайын палыше, оҥай, шкешотан да креативный еҥым шке командышкына ӱжына», — ешарен Любимов.
Ушештарем, «Кидшер» калыкле интернет-проект шке пашажым 2013 ий декабрь тылзыште тӱҥалын. Ик ий гыч сайтын руш, а 2015 ий июль гыч курык марий йылме ешаралтыныт. Проект самырык энтузиаст-влакын пашашт дене, кугыжаныш учреждений-влакын полшымышт деч посна вияҥдалтеш.
