«Кугарня» спорт пайремыш ӱжеш

Куржталмаш, бег«Кугарня» газетын коллективше куржталаш йӧратыше-влакым спорт пайремыш ӱжеш. 21 августышто Йошкар-Оласе Сеҥымаш паркыште «Кугарня» газетын 25 ияш лӱмгечыжлан пӧлеклалтше таҥасымаш лиеш.
Тиде пайремыш кеч-кӧат ушнен кертеш, лачшымак медсправкым гына кондыман. 18 ияш да кугурак ийготан-влак 25 километрым куржыт. 14 ияш деч кугурак-влак коклаште вич еҥан команде-влакым погат. Нуно эстафетыште шке вийыштым тергат. Вич этапыште чылаже 25 меҥгым куржман. Тидын годымак, 16 ияш деч самырык участник-влакын ача-авашт деч таҥасымашыш колтымо келшымаш лийшаш. 
Организатор-влакын палемдымышт почеш, конкурсышто стартовый взносым тӱлыман. Тунемше, пенсионер-влаклан – 50 теҥге, молылан – 100 теҥге.
Спорт пайремым «Кугарня» газет редакций, В.И.Ленин лӱмеш тӱвыра полат да «Айвика» куржталаш йӧратыше-влакын клубышт эртарат.
Ушештарем, шукерте огыл «Кугарня» газетын 25 ияш лӱмгечыжлан пӧлеклалтше велопробег эртен.

Йолташ-влаклан палдараш
Кидшер
Шонымашым ешараш