Самырык мурызо-влаклан «Эр чолпан» конкурс

Марий Эл Радио

«Марий Эл Радио» самырык мурызо-влаклан черетан «Эр чолпан» у конкурсым эртара. Конкурсыш 18 гыч 35 ияш марте самырык мурызо-влак ушнен кертыт.
Радион редакцийышкыже 2016 ий 1 декабрь марте у мурым кондыман.
«Конкурсышто сенышылан шергакан полекым кучыктена. Но эн тӱҥжӧ — «Марий Эл Радион» проектлаштыже пашам ышташ ик ийлан контрактым пеҥгыдемдена», — палемда радион пашаеҥже Владимир Матвеев.
Сеҥышым радион эртарыме У ий концертыштыже увертарат. Умбакыже радион чыла гаяк концертлаште сеҥыше мурызо шке мастарлыкшым ончыкташ тӱҥалеш.
Конкурс 5 сентябрьыште увертаралтын. Тачысе кечылан конкурсыш Алла Васильева «Пӧртылам авай» (мут. Р.Сунгурован, сем. Ж.Гильмановын) муро дене ушнен.

Йолташ-влаклан палдараш
Кидшер
Шонымашым ешараш