«Марий Эл Радио» у да шкешотан проектыш ушнаш ӱжеш

Олык сем«Марий Эл Радио» у да шкешотан «Эх, ом чыте мурыде» проектым увертарен. Тиде проектыш тӱрлӧ тӱвыра тӧнеж пелен пашам ыштыше але шке семын мурен-куштен коштшо ансамбль, мурызо да семӱзгарче-влак ушнен кертыт.
Проектыш ушнаш манын, «Марий Эл Радион» редакцийышкыже, 63-03-81 телефон дене йыҥгыртен, ансамбльым возаш толаш йодмашым кодыман. 
«Тиде проект негызеш ме «Калык муро да сем» шагатнам пойдараш шонена. Радион пашаеҥже ансамбльын мурымыштым (шоктымыштым) шке возаш мия, а вара эфирыш луктеш. Тиде конкурс огыл, но тиде проектыш пурымо материал негызеш У ий деч вара кугу концертым ыштена», — палемда радион пашаеҥже Владимир Матвеев.

Кидшер
Шонымашым ешараш