Марий филологийын йодышыжым каҥашенет

Марий кугыжаныш университетлан 85 ий темме лӱмеш мероприятий-влак кышкарыште «Проблемы марийской и сравнительной филологии» III Россий кӱкшытан научно-практический конференций эртен. Лач тиде кечын, 1931 ий 30 сентябрьыште, марий йылме да сылнымут кафедре негызлалтын. Тудланат 85 ий темын. Кафедрын икымше вуйлатышыже доцент Василий Тимофеевич Соколов лийын. 
Ты жапыште кафедре Н.К. Крупская лўмеш Марий пединститутын да Марий кугыжаныш университетын кышкарыштыже вияҥ толын. Тудо тўрлє ийлаште историй да филологий, филологий, гуманитарный факультетлан, Финн-угроведений институтын структурышкышт пурен, кызыт Калыкле культур да тӱвыра кокласе кыл институт пелен пашам ышта. Пытартыш ийлаште тиде кафедрым Ю.В. Андуганов, И.Г. Иванов, А.Н. Куклин, Н.Н. Глухова, О.А. Сергеев, В.Н. Максимов, С.С. Сабитов, Л.С. Матросова, Е.М. Андрианова да молат вуйлатеныт. Ты конференцийым ямдылымаште финн-угор да сравнительный филологий кафедре кугун тыршен да тушко институт дирекцийым да тысе кафедре-влакым, университетын моло подразделенийлаж гыч шанчызе-влакым ушен.
Конференцийын пашаже 7 секцийыште эртен. Шанче форумышто очный формо дене 110 еҥ пашам ыштен, тушечын 50 утлаже – МарГУ да Российысе молов узла гыч бакалавриат ден магистратурын студентше-влак, эше 20 еҥ – общеобразовательный тӧнежлан педагогышт.
Очный да заочный формо дене конференцийыште Марий Эл, Чуваший, Удмуртий, Татарстан, Мордовий, Югра, тыгак Москва ола, мӱндыр Австрий, Туркменистан, Эстоний, Таджикистан гыч ученые ден педагог-влак участвоватленыт.
Форумын лектышыж почеш «Проблемы марийской и сравнительной филологии» статья-влак сборник савыкталт лектеш.

Леонид Гимаев

Кидшер
Шонымашым ешараш