«Кидшер» интернет-журнал пелен улшо шкешотан электрон книгагудо у книга дене пойдаралтын. Таче электрон фондыш Надежда Эмыканын «Мый шошын ӱдыржӧ улам» книгаже пурталтын.
Тиде книга Надежда Эмыканын кумшо почеламут ойпогыжо. Автор чон кумылым, йöратымашын тÿрлö шöрынжым, лирический геройын куанымыжым, тургыжланымыжым пÿртÿсын образ полшымо дене келгын почеш. Шочмо вер-шöрын сылнылыкшым сÿретла, тудым аклаш ÿжеш.
Надежда Эмыкан (Надежда Васильева-Моисеева) Марий Элысе Советский район Роҥго селаште шочын. Лӱмлӧ поэт Альберт Васильевын ӱдыржӧ. Индеш классым верысе школышто, вара Йошкар-Оласе педагогике лицейыште тунемын. 2003-2008 ийлаште Марий кугыжаныш университетын историй да филологий факультетыштыже, 2006-2010 ийлаште тÿвыра да сымыктыш колледжыште шинчымашым поген. Кызыт шочмо ялыштыже ила, кевытым куча, кок эргым ончен-кушта.
Фотошто «Мый шошын ӱдыржӧ улам» книга презентаций деч вара.
Электрон книгагудо тыште верланен.