Йошкар-Оласе администрацийыштыже республикынан рӱдолажын мэрын стипендиатше-влаклан дипломым кучыктымо торжественный церемоний эртен.
Мэрын стипендийжым тунеммаште, шымлыме шанче пашаште, тӱрлӧ таҥасымаште, мер илышыште кугу сеҥымашыш шушо оласе талантан, активный самырык еҥ-влаклан кучыктат.
Йошкар-Олан мэрже Евгений Маслов студент-влаклан дипломым кучыктен да палемден: «Тиде залыш эн ушан да чолга ӱдыр-рвезе-влак погыненыт. Тиде статусым налаш тыланда куштылго лийын огыл, кугу тыршымаш кӱлын. Мыйын шонымаште, тиде неграде ончыкыжо кушкаш, у сеҥымашым тапташ сай стимул лиеш».
Стипендиат-влак, нунын тыршымыштым кӱкшын аклымылан, оласе округ вуйлатыше ден мэрлан тауштымо мутым ойленыт.
