Мер ушемын самырык активистше-влак идалыкым иктешленыт

Таче мер ушем-влакын самырык активистше-влак эртыше идалыкым иктешлаш погыненыт. Вашлиймаш, поро йӱла почеш, Марий Элысе тӱвыра, печать да калык-влакын пашашт шотышто министерствын конференц-залыштыже эртен. Тышке тӱрлӧ мер ушем гыч витле наре самырык еҥ толын.
Вашлийше-влак эртыше идалыкым иктешленыт да 2017 ийыште мер ушем-влакын паша радамыштым палемденыт.
Тӱвыра министерствын вуйлатышыже Михаил Васютин шушаш идалыкыште самырык активист-влаклан тӱрлӧ программылаште вийыштым тергаш, сай лектышыш шуаш тыланен.

Кидшер
Шонымашым ешараш