-10 C
Йошкар-Ола

«Воштылаш, товатат, сулык огыл – 2017» мыскара конкурсыш ушныза

Кажне ийын «Кугарня» газет «Воштылаш, товатат, сулык огыл!» мыскара конкурсым эртара. Теният тиде конкурс эрташ тӱҥалеш. 
Организатор-влак конкурсышко икмыняр вашталтышым пуртеныт. Конкурсын тӱҥ йодмашыже-влак: – выступатлыше еҥ «Кугарня» газетын подписчикше лийшаш;
– ончыч ончыкталтше номер-влак, аракам йӱмым але моло шала койышым пропогандироватлыме сценке-влак просмотр годым вигак кораҥдалтыт;
– номер лу минут деч кужын шуйнышаш огыл;
– сеҥыше-влакым палемдыме годым жюри тӱҥ верым содержанийлан, костюмлан, сценыште шкем кучен моштымылан ойыра.
Конкурсыш сценке, илышыште лийше мыскара, монолог, патомимике, анекдот, мыскара муро дене ушнаш лиеш.
Конкурсышко ушнаш шонышо-влак йодмашым редакцийыш 15 март йотке колтен шуктыман. Конкурсыш ушнышо-влак корно да моло роскотым шке кӱшеш петырат.
Организатор-влакын палемдымышт почеш, сеҥыше-влакым окса пӧлек вуча: I верлан – 5 тӱжем теҥге, II верлан – 3 тӱжем теҥге, III верлан – 2 тӱжем теҥге. Тидын годымак, ончышо-влакым поснак кумылаҥдыше (нылымше) приз лийын кертеш.
Чыла йодышым 8 (8362) 45-11-88, 45-43-72 але 8 927 87 64 402 телефон дене рашемдаш лиеш.
Ушештарем, икымше гана «Воштылаш, товатат, сулык огыл» конкурс 1994 ийыште кок кече – 1 да 2 апрельыште – М.Шкетан лӱмеш театрыште эртен. Тунам тудым «Кугарня» ден «У вий» мер ушем эртареныт.

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт