«КонтактЫште» улшо «Поро лаштык» марий тӱшка «MARIpostcrossing» акцийым увертарен.
«MARIpostcrossing»-ын тӱҥ шонымашыже: марла серышым икте-весылан возен колташ. Акцийыш ушнашлан эн ондак анкетым колтыман. Вара ушнышо еҥын эл.адресышкыже вес еҥын адресше толеш. Тиде еҥ адрес почеш марла возымо открыткым але серышым колтыман. Тыге тӱрлӧ кундемыште илыше марий-влак ваш-ваш палыме лийыт.
«MARIpostcrossing» ончыч cерышым йолташлан, палыме-влаклан гына сераш темлен. Кызыт тӱнямбалне илыше марий-влаклан але марий йылмым палыше-шамычланат марла серышым возаш йӧным ышта», — палемда акийын координаторжо Валентина Семёнова.
