-2 C
Йошкар-Ола

М.Шкетан лӱмеш театр шке черетан тургымжым мучашлен!

М.Шкетан лӱмеш Марий дреаме театрын коллективше эртыше арняште концерт программе дене 95-ше тургымым мучашлен. Тушто молгунамсе семынак саламлыше-влак лийыныт да пашаште ойыртемалтше-влакым пӧлек да окса премий дене палемдыме.
1-ше степенян диплом дене – артистка Людмила Казанцевам да Марий Элын сулло артистше Александр Бирюковым;2-шо степенян диплом дене – артистка Марина Почтеневам да артист Эдуард Яковлевым;
3-шо степенян диплом дене – Марий Элын калык артисткыже Антонина Антоновам, Марий Элын сулло артистше Сергей Даниловым, Марий Элын сулло артистше Андрей Бусыгиным да артист Алексей Сандаковым;
Пӧлекым тыгак технический службо пашаеҥ-влаклан кучыктымо. Диплом дене поделочный цехым вуйлатыше Владимир Орехов, радиоцехым вуйлатыше Эдуард Копцев, монтировщик Эдуард Байгузин да администратор Елена Гришина палемдалтыныт.
Артист-влак тургымым мучашлен, канаш огыт шоно. Июнь тылзыште йоча-влаклан «В гостях у сказки» оҥай программым ямдылат. 21 майыште «Тӱрлемӱдыр» да 19 июньышто «Оръеҥ мелна» комедий-влакым ончыктат. Яллашке спектакль да концерт дене лектеден кошташ тӱҥалыт.

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт