Тушто-влак. Тылзе лӱм.

Январь 

Тӱҥалеш тиде тылзын у ий,
Вӱд ӱмбалне янда – кӱжгӧ ий,
Кеч лӱдеш йӱштӧ дечын кид-йол,
Пеш келша мыланна ШОРЫКЙОЛ.

Февраль 

Лумым пӱтыра мардеж,
Корным петыра, ӱштеш.
Да кертеш кокланже урмыж
Пире семын. Тиде – ПУРГЫЖ.

Март 

Шошо толжо веле, кечым шотлена,
Вет ава-влакнам вашке саламлена.
Ямдылаш пӧлекым уло ик арня.
Весела да поро тылзе – ӰЯРНЯ.

Апрель

Йӱд толмеке мландым кылмыкта гынат,
Лум ора-влак садак вӱдыш савырнат.
Чеверласыш йӱштӧ. Теле, тый ит шорт.
Чинче кечыйолым пӧлекла ВӰДШОР.

Май

Олмапу да сирень пеледеш,
Саденрна шӱшпык йӱк ден темеш,
Йырым-ваш пӱртӱсна ужарга.
Кумшо тылзыже шошын – АГА.

Июнь

Сылне кеҥеж – тиде каныме жап.
Йӱд кӱчыкемын, шуйнен кечыжат,
Емыж кӱеш, пеледеш йыр пеледыш.
Тылзын лӱмжат чылт тыгаяк – ПЕЛЕДЫШ.

Июль

Эх, кеҥежын рӱдӧ сай улмаш!
Вашкена ме ерыш йӱштылаш.
Калыкнан лиеш тыгай пайрем
Тылзе лӱм ден икгаяк – СӰРЕМ.

Август

Эше кеҥеж, чонлан ласка,
Вашке кӱэш пакчасаска,
Тӱҥалын жап уржа-сорла.
Кеҥежым мучашла СОРЛА.

Сентябрь

Школ омсажым почо, эртыш каныш.
Шокшо элыш кайык-влак тарванышт.
Толын шыже, тый палетыс тидым.
Маналтеш марла сентябрь – ИДЫМ.

Октябрь

Чевер лышташ-влак возыт мландыш,
Ок ырыкте кечат, лыпланыш.
Кава пылаҥын, йӱр шыжа.
А шыжын рӱдыжӧ – ШЫЖА.

Ноябрь

Чараҥеш садер да олык,
Каналта вӱташте вольык.
Шокшын чий, вара от кылме.
Тиде жапым маныт КЫЛМЕ.

Декабрь

Ош лум леведе шочмо мландым,
Издер да ече кажнын ямде.
Вашке У ий, вучалте веле.
Йомак гай сылне тиде – ТЕЛЕ.

Алёна Яковлева.

Кидшер
Шонымашым ешараш