«Колумб лудмаш» ола кӱкшытан поэзий да муро усталык конкурс Йошкар-Олаште эрта

Мероприятий 10 шагатлан тӱҥалеш.

«Колумб лудмаш» ола кӱкшытан поэзий да муро усталык конкурс Йошкар-Олаште 18 майыште Колумб лӱмеш йоча да самырык-влаклан книгагудышто лиеш. 

Конкурсыш школышто, кыдалаш да кӱшыл профессионал туныктыш тӧнежлаште тунемше ден туныктышо-влак, тыгак поэзийым да мурым йӧратыше-шамыч ушнат.

Участник-влак В.Колумбын возымыжым лудыт, тыгак поэтын почеламутшылан возымо муро-влакым йоҥгалтарат. Сеҥыше-влакым сылнымут да сем йогын (музыкальный) номинацийлаште палемдат.

Икымше верыш лекше-влак Морко районышто эртыше республик кӱкшытан «Колумб лудмаш» конкурсышто шке вийыштым тергаш тӱҥалыт.

Мероприятий 10 шагатлан тӱҥалеш.

Йолташ-влаклан палдараш
Кидшер
Шонымашым ешараш