Х Марий самырык тукым слёт Марисолаште эрта

Россий кӱкшытан Х Марий самырык тукым слёт Шернур районысо Марисола селаште эрта. 

Форумыш марий-влакын тӱшкан илыме Татарстан, Башкортостан республик, Свердловск, Киров область, Пермский край да Марий Элын чыла гаяк районжо гыч 100 наре самырык еҥ погынен.

Участник-влаклан марий калыкын эртыме корныжо, тачысе кечыже да ончыкылыкшо дене кылдалтше лекций-влакым ямдыленыт. Слёт мучашлалтмеке, ӱдыр-рвезе-влак сертификатым налыт.

Ушештарена, Россий кӱкшытан марий самырык тукым слёт 2009 ий гыч эрта.

Дмитрий Иванов, «Кидшер»

Кидшер
Шонымашым ешараш