Марий кугыжаныш университет ончыкылык йылмызе-влакым тунемаш налеш.
2018 ийыште академический бакалавриатыш документым тыгай направлений дене налыт:
- «Педагогике туныктыш (Шочмо йылме да сылнымут, йот йылме: финн/англичан)»;
- «Педагогике туныктыш (Шочмо йылме да сылнымут, тӱҥалтыш школысо туныктыш)».
Магистратурыш:
- «Педагогике туныктыш (Шочмо йылме да сылнымут, руш йылме областьысе туныктыш)»;
- «Педагогик туныктыш (Этнокультур средасе филологий туныктыш)»;
- «Педагогик туныктыш (Йылме туныктыш (марий да англичан йылме)»;
- «Филологий (Финн-угор филологий)».
Очный да заочный тунемме формо направлений-влак почеш 70 бюджет вер ойыралтын.
Палемден кодыман, Калыкле тӱвыра да тӱвыра кокласе коммуникаций институт тений 50 утла самырык марий да финн-угор йылмызе-влакым ямдылен.