Чавайн лӱмеш книгагудылан ик миллион теҥге ойралтын

Марий Эл Республик вуйлатыше Александр Евстифеев регионысо резерв бюджетше гыч С.Г.Чавайн лӱмеш калыкле книгагудылан книгам аралыме оралтыжын леведышыжым ачалаш ик миллион теҥгем ойырен. 

Корпусышто 700 тӱжем утла книга уло. Зданий чоҥымо деч вара (1964 ий) олмыкталтын огыл.

Ушештарена, С.Г.Чавайн лӱмеш национальный книгагудым олмыкташ кӱлмӧ нерген Александр Евстифеев тылзе тӱҥалтыштак Марий Эл Республикын кугыжаныш национальный политикын концепцийжым вияҥдыме шотышто правительственный комиссийын заседанийыштыже палемден.

Кидшер
Шонымашым ешараш