Мо дене тиде кече шарнымашеш кодын? Могай лӱмлӧ еҥ шке шочмо кечыжым палемда? Тидын нерген «Кидшер» интернет-журналын материалыштыже.
Вуйлымаш
Событий-влак
- 1858 ий — Провой кундем Сидельниково ялым негызлыме.
Шочыныт
- 1935 ий — Геннадий Сергеевич Ощепков, туныктыш пашаеҥ, Россий Федерацийысе кӱшыл школын сулло пашаеҥже, профессор. Йошкар-Олан почётан гражданинже.
- 1949 ий — Надежда Николаевна Зайцева, муниципал пашаеҥ, Марий Эл Республикын сулло чоҥышыжо. Экономика шанче кандидат.
- 1950 ий — Владимир Иванович Сидоров – кугыжаныш вуйлатыше, Россий Федерацийын сулло экономистше.
- 1959 ий — Хайдар Харисович Баляев, Марий Эл Республикысе тӱвыран сулло пашаеҥже, Олык Ипай лӱмеш кугыжаныш премийын лауреатше.
- 1965 ий — Татьяна Яковлевна Денисова, марий мурызо, Марий Эл Республикын сулло артистше.
- 1974 ий — Константин Анатольевич Иванов, Марий Эл Республикын тӱвыра, савыктыш да калык-влаын пашашт шотышто министр, Россий Федерацийын сулло, Марий Элын калык артистше, Марий Эл Республикын Кугыжаныш премийын лауреатше.
Калык пале
- Прохорын кечыже. Ты кечын ужалме-налме пашам шукташ тыршен огытыл. Кӱшӧ грушым погеныт. Тыгак ты кечын апшат-влак шке пайремыштым эртареныт.