Кечышот. 12 август (сорла)

Мо дене тиде кече шарнымашеш кодын? Могай лӱмлӧ еҥ шке шочмо кечыжым палемда? Тидын нерген «Кидшер» интернет-журналын материалыштыже.

Событий-влак

  • 1952 ий — Шернур посёлкышто йоча книгагудым почыныт.

Шочыныт

  • 1907 ий — Николай Тишин, марий серызе, почеламутчо, туныктышо, журналист, СССР Серызе-влак ушемын йыжъеҥже.
  • 1932 ий — Аркадий Фёдорович Фёдоров, писатель да туныктыш пашаеҥ.
  • 1936 ий — Геннадий Иванович Прокушев, сымыктыш пашаеҥ, Марий республикын сулло сымыктыш пашаеҥже.
  • 1951 ий — Леонид Фёдорович Ожиганов, муниципал пашаеҥ.
  • 1954 ий — Виталий Иванович Шабыков, марий йылмызе, социолог, шанчызе, философий шанче кандидат, Марий Эл Республикысе шанчын сулло пашаеҥже, Марий Эл Республикысе М.Н. Янтемир лӱмеш Кугыжаныш премийын лауреатше.
  • 1966 ий — Лидия Сидоровна Матросова, марий йылмызе, шанчызе, туныктышо, филологий шанче кандида, доцент.

Калык пале

  • Силуанын да Силан кечыже. Нине кок апостол Шнуй Павелын тунемшыже лийыныт. Ты кечын уржа вуйым тергеныт: тудо мландыш тайна гын, содор поген налаш кӱлеш. Вес калыкпалымат эскереныт: йӱдым каваште шӱдыр-влак чот чолгыжыт гын, эрлашым йӱрым вучыман.
Кидшер
Шонымашым ешараш