Мо дене тиде кече шарнымашеш кодын? Могай лӱмлӧ еҥ шке шочмо кечыжым палемда? Тидын нерген «Кидшер» интернет-журналын материалыштыже.
Вуйлымаш
Событий-влак
- 1457 ий — «Псалтирь» лӱман икымше книга лектын.
- 1775 ий — Ектерина Кокымшо кугыжан кӱштыкшӧ почеш Запорожская Сечь мланде Российлан куснен.
- 1986 ий — КПСС ЦК-ан кӱштыкшӧ почеш Сибирьысе эҥер-влакын йогыныштым вашталтыме сомылым чарен шогалтыме.
Шочыныт
- 1933 ий — Виктор Васильевич Васильев, туныктыш пашаеҥ, химий шанче кандидат.
- 1954 ий — Геннадий Юревич Ярыгин, футбол арбитр да организатор.
- 1954 ий — Александр Васильевич Преподобный, полиций пашаеҥ.
- 1980 ий — Александр Веткин, марий эстрада мурызо.
Калык пале
- Мӱкш илян кече. Тиде пайрем, мӱкш ешын мӱйым поген шуктымыжым ончыкта. Мӱкш илян дечын вара, кеҥеж мучашлалтын, шыже велышке кусна маныныт. Пӱтым кучышо-влаклан таче мӱйым кочкаш лиеш. Тиде кечын, эн нужна, йорлыжат мӱйым тамлышаш.
- Ты кече мӱй дене чот кылдалтын. Изижге-кугужге мӱйым кочкыныт. Но южо кундемлаште маке кушкылланат кугу тӱткышым ойыреныт. Маке нӧшмӧ дене тӱрлӧ кочкышым ямдыленыт.