Таче 4 сентябрь. Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже. 

Событий-влак:

  • 1833 ий — Озаҥыш толшо руш поэт Александр Пушкин Козьмодемьянск уездысе южо марий яллашке пурен коштын.

Шочыныт:

  • 1948 ий — Вячеслав Александрович Кислицын, кугыжаныш пашаеҥ, Марий Эл Республикын кокымшо президентше.
  • 1949 ий — Валентина Алексеевна Рыбакова, туныктыш пашаеҥ.
  • 1947 ий — Анатолий Николаевич Иванов, партий да кугыжаныш пашаеҥ.
  • 1961 ий — Василий Васильевич Воробьёв, кино пашаеҥ.
  • 1966 ий — Валерий Васильевич Душев, бизнесъеҥ да спортсмен.
  • 1975 ий — Игорь Витальевич Актуганов, театр артист.
  • 1985 ий — Тамара Геннадьевна Ситникова, эстраде мурызо.

Калык пале: 

  • Агафонын кечыже. Ожно тиде кечын еҥ-влак шке идымыштым, амбарыштым ороленыт. Нунын шонымышт почеш, пасуводыж ӱчым ыштен, тӱрлӧ азапым конден кертеш. Сандене чыланат оролаш лектыныт: но ончыч ӱмбал вургемыштым савырен чиеныт да кидышкышт тулвондым налыныт. Тиде тулвондо дене йырет мландым удыралат гын, пасуводыж тыйым ок тӱкале – манын шоненыт.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.