Савыктыме гыч эн сайже: Марий Элыште идалыкын книгажым ойырат

Конкурсыш йодмашым да савыктышым 20 ноябрь марте погат.

С.Г.Чавайн лӱмеш калыкле книгагудо Марий Элын Тӱвыра, печать да калык-влакын пашашт шотышто министерствыжын полшымыж дене «Идалыкын книгаже» республикысе конкурсым эртара. 

Сеҥыше-влакым 14 номинацийыште палемдаш тӱҥалыт:

  • «Идалыкын эн сай книгаже» (тӱҥ премий);
  • «Книган эн сай полиграфийже»;
  • «Эн сайын оформитлыме книга»;
  • «Марий йылме дене эн сай книга»;
  • «Марий Эл Республик нерген эн сай книга»;
  • «Эн сай научный савыктыш»;
  • «Эн сай тунемме савыктыш»;
  • «Эн сай художественный прозо»;
  • «Эн сай поэтический сборник»;
  • «Йоча-влаклан эн сай книга»;
  • «Шочмо кундем нерген эн сай книга»;
  • «Марий Элын ойыртемалтше еҥже-влак нерген эн сай книга»;
  • «Лудшо-влакын симпатий призышт» (Марий Эл Республикын лудшо-влакын сообществыжын посна премийыже);
  • «Библиотек дене кылым чолган кучымылан» (С.Г.Чавайн лӱмеш национальный библиотекын кумылаҥдыше дипломжо да премийже).

Конкурсыш йодмашым да савыктышым 20 ноябрь марте С.Г.Чавайн лӱмеш калыкле книгагудыш кондыман.

Йолташ-влаклан палдараш
Кидшер
Шонымашым ешараш