Марий Эл правительствын заседанийыштыже 2019-ше- 2021-ше ийлан республикым социально-экономически вияҥдыме прогнозым каҥашыме.
Тиддеч посна ончыкылык кум ийлан республикын бюджетше нерген законопроектым ончен лекме. Докладым ыштыше промышленность, экономически вияҥмаш да ужалыме шотышто министр Дмитрий Пугачёвын мутшо почеш, лишыл ийлаште республикын писын вияҥмашыже таҥасен кертмашым вияҥдыме, йотэл сатум шкенан сату дене вашталтыме, инвестиций рынкым саемдыме кӱшеш лийын кертеш. Палемдыме ийлаште регионысо валовый кӱкшытшӧ 101,5-101,7% лийшаш.
2021-ше ийлан тудын кугытшо 200 миллиард теҥгеш шушаш. Тудо промышленность да ял озанлыкыште вияҥмашлан кӧра лийшаш. Прогноз почеш ял озанлык сатум лукмаш кум ийыште 6 миллиард теҥгелан кугемшаш да 46 миллиардыш шушаш. Яра пуымо окса 10 миллиард, дотаций 903 миллион теҥге лийшаш. Республикын бюджетше шушаш ийлан парыш да роскот дене 25 миллиардат 500 миллион теҥгеш погынышаш. 2020-шо ийлан- 23,7 миллиард, 2021-шо ийлан 23,9 миллиард теҥге лийшаш.