Курык марий район администрацийым вуйлатыше шке кумылжо почеш отставкыш каен

Сомылым шукташ администраций вуйлатышын икымше алмаштышыже Алевтина Исаевалан ӱшаныме.

Курык марий район администрацийым вуйлатыше Василий Сеюшов шке кумылжо почеш отставкыш каен. 

Администраций вуйлатышын должностьышкыжо конкурсым эртарыме жаплан, тиде сомылым шукташ администраций вуйлатышын икымше алмаштышыже Алевтина Исаевалан ӱшаныме. Тудо газификаций, шокшо, вӱд, электровийым ситарыме, транспорт, пожар лӱдыкшыдымылык, ЧС эҥегекым кораҥдыме, кундемым тӱзландарыме мероприятий- влакым эртарымылан мутым куча.

Ушештарена, Василий Сеюшов тиде пашаш 2016-шо ий 17-ше майыште пеҥгыдемдыме ыле.

Йолташ-влаклан палдараш
Кидшер
Шонымашым ешараш