Марий Элын вуйлатышыже Александр Евстифеев Вооруженный вийын ветеранже, Йошкар-Ола гарнизонын военнослужащийже-влакым да республикысе калыкым шкенжын да Марий Эл правительствын лӱмжӧ дене саламлен.

«Тиде пайрем Шочмо элнам аралыше-влакын пеҥгыде койыш-шоктышан улмыштым, пеш кугу героизмыштым да чолгалыкыштым, чапыштым символ семын ончыкта, нуно Шочмо элнан эрыкшым патырлын арален шогат. Марий Элыште илыше еҥ-влак кеч-могай жапыштат элым аралаш тавадаҥ шогалыныт, тидын годым героизмым да патырлыкым ончыктеныт», — палемда Евстифеев.

«Кызыт у деч у лӱдыкшӧ лектын шогымо жапыште Россий Федерацийым вуйлатыше-влак элын аралалт кертме йӧнжым пеҥгыдемдыме йодышлан пеш кугу тӱткышым ойырат. Марий оборонно-промышленный комплекс Российын боевой куатшым пеҥгыдемдаш кугун полшен шога. Поснак кугу тӱткыш самырык тукымым военный патриотизм шӱлышеш шуарен куштымо, тудым элын Вооружённый Вийыштыже служитлаш физически да духовно ямдылыме пашалан ойыралтеш. Кадет движений кушкеш да пеҥгыдемеш. Республикысе школлам тунем лекше да военный училищыш тунемаш пурышо выпускник-влакын чотышт кажне ийын ешаралтеш. Марий Элысе ветеран-влаклан Шочмо эллан ӱшанле да кугу кӧргӧ вий-куатан улмыштлан алал кумылын тауштем, нунын лач тыгай качестван улмышт сар ийлаште моткоч неле тергымашым чытен лекташ полшен. Тылын труженникше-влаклан тау», — ойла регион вуйлатыше.

«Кызыт военный порысым честь дене шуктышо, тыныслыкым да граждан-влакын ласка илышыштым аралыше чыла еҥлан таум ойлена. Мемнан пеш кугу элнан чекше, тудын суверенитетше да тичмашлыкше кеч-кунамат ¢шанлын аралыме лийыт манын ӱшанем. Марий Элыште илыше пагалыме еҥ-влак! Тыланда пеҥгыде тазалыкым, пиалым, тыныслыкым, ешыште порылыкым да чыла сайым, пашаште профессиональный сеҥымашым», — тылана республик вуйлатыше.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.