Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Вуйлымаш
Событий-влак
- 1711 ий — Пётр Первый кугыжан кÿштыкшö почеш Сенатым ыштыме.
- 1946 ий — Уинстон Черчилль социалистик да капитал эл-влак кокласе чеклан «железный занавес» лÿмым пуэн.
- 1970 ий — ООН комитетын ямдылыме акт почеш ядерный оружийым кучылтмо шотышто икмыняр кÿштыкым пеҥгыдемдыме.
Шочыныт
- 1960 ий — Элина Анатольевна Архипова, марий семмастар.
- 1933 ий — Иннокентий Александрович Рыжков, ял озанлык пашаеҥ.
- 1947 ий — Аркадий Кузьмич Анисимов, туныктыш да тӱвыра пашаеҥ.
- 1949 ий — Альбина Григорьевна Веселова, тӱвыра пашаеҥ.
- 1986 ий — Алёна Александровна Иванова, мер пашаеҥ да журналист.
Калык пале
- Лев Катанскийым шарныме кече. Тиде кечын пытартыш гана курык гыч мунчалтеныт: кö эн тораш мунчалта – тудын идалык мучко чыла сай лиеш. Тиде кечын иктаж кö черланен гын, йÿдым тудын коҥлайымакше кинде шултышым пыштеныт. Эрдене тергеныт: кинде шултыш кукшо гын, айдеме вашке ок парем.