Йошкар-Олаште Изи Какшанын Воскресенский сержым тений умбакыже вияҥдаш палемдыме. Тиде сер деке Никонов, Патриарший, Дева Мариян площадьше-влак ушнен шогат. А иквереш мотор архитектура сӱретым ыштат. Тудым эшеат кумылым савырышым ышташ изирак ужалкалыме, кочмо вер-влакым вераҥдаш палемдыме.
Тидыже калыклан жапым сайын эртараш йӧным ышта. Чылаже кум кафе, ик велопрокат станций, сувенирым ужалыме кок вер, икмыняр биошондан, теҥгыл, урно да молат лийшаш улыт. Тиде кумдыкым тӱзландарыме йодышым кугу бизнес организаций ден тӱвыра минситерстве коклаште ик гана веле огыл каҥашыме да ик ойыш шумо.
Вӱдшор тылзын 1-ше кечыже марте эскиз проект-влакым келыштарыман, ага тылзе кыдалне ужалкалыме вер-влакым ышташ тӱҥалман. Концепцийым илышыш шыҥдарымеке у каныме вер сӱрем тылзын 1-ше кечыжлан ямде лийшаш.