«Йошкар-Ола театральный» фестиваль 20-шо мартыште почылтеш. Тиде фестиваль Марий Эллан 100 ий темме лӱмеш эртаралтеш. Мероприятий шкешотан театр тургымым иктешлымаш лиеш. Коллектив-влак тиде тургымышто икымше гана ончыктымо у пашаштым луктыт.
Фестивальым Эрик Сапаев лӱмеш опера да балет театрын «Лесная легенда» балетше почеш. 22-шо мартыште тыште «Евгений Онегин» оперым ончаш лиеш. 21-ше мартыште Республикысе курчак театр «Снежная королева» йомакым, кечывалым Марий самырык театр «Недоросль» комедийым ончыктат. Тиде кечынак Шкетан лӱмеш калыкле театрын артистше-влак «Вий-ар-ме» рок-оперыште шке мастарлыкштым ончыктат.
Арня жапыште чылаже 11 спектальым ончаш лиеш. 27-ше мартыште Йыван Кырла лӱмеш калыкле театр премийым кучыктымаш дене фестиваль мучашлалтеш.