Марий Элыште «Самырык-влакын кадр резервыштым» чумырат

Республикысе самырык политике, спорт да туризм министерстве «Марий Элысе самырык-влакын кадр резервышт» республикысе конкурсыш ушнаш йодмашым налаш тӱҥалын.

Конкурс республикыште эртыше «Ончыко да кӱшкӧ» самырык-влакын форумыштышт чолган каҥашыме деч вара, Марий Элым вуйлатышын тӱҥалтышыж почеш шыҥдаралтеш. Тудо сай квалификациян кадр резервым ышташ, сай ончыкылыкан, вуйлатен кертше самырык еҥ-влакым муаш, шуараш да полшаш манын ынде кокымшо гана эрта. Тушко кӱшыл школлан 4-ше, 5-ше курслаштыже тунемше да 18 гыч 30 ияш марте самырык специалист-влак пурталтыт. Талантан самырык еҥ- влакын реестрыштым ышташ да тудын дене кугыжаныш кучем, верысе самоуправлений, предприятий ден органзиаций-влаклан пайдаланаш йӧным ышташ палемдыме.

Йодмашым 15-ше апрель марте Самырык-влакын полатыштышт налыт. Ушештарена, икымше конкурс ӱмаште эртен. Тушто сеҥыше 11 еҥ стажировкым эртыме вер гыч темлымашан серышым налын да да паша верым муын.

Кидшер
Шонымашым ешараш