«Воштылаш, товатат, сулык огыл!»: 25 ий почела

Конкурсын финалже Сеҥымашын ХХХ-шо идалыкше лӱмеш тӱвыра полатыште эрта.

«Кугарня» газет редакций «Воштылаш, товатат, сулык огыл!» мыскара фестиваль-конкурслан ямдылалтеш. Кызыт республикысе районлаште конкурсын ойырен налме туржо-влак эртат.

Мыскара конкурсын финалже вӱдшор тылзын 1 кечынже лиеш. Тудо  Сеҥымашын ХХХ-шо идалыкше лӱмеш тӱвыра полатыште эрта.

Сеҥыше-влаклан вич тӱжем, кум тӱжем да кок тӱжем теҥге окса премий логалеш. Посна номинаций – «Мыскараче мурызо» конкурс. Тале мурызылан организатор-влак вич тӱжем теҥгем тӱлаш сӧрат.

Ушештарена, икымше гана «Воштылаш, товатат, сулык огыл» конкурс 1994 ийыште кок кече – 1 да 2 апрельыште – М.Шкетан лӱмеш театрыште эртен. Тунам тудым «Кугарня» ден «У вий» мер ушем эртареныт.

Йолташ-влаклан палдараш
Кидшер
Шонымашым ешараш