– Российыште ырлыган-корь дене черланыше-влак чӱчкыдынрак вашлиялтыт. Тидым шотыш налын Марий Элыштына ешартыш вакцинацийым ышташ тӱҥалыт.
– Ялозанлык предприятий-влак ушкалым ончымо сомыллан кугу тӱткышым ойырат. Молан манаш гын, ик эн тӱҥ парышым шӧр лӱштыш конда.
– Шкетан лӱмеш драме театр йоча-влаклан рушла кумшо спектакльым шында. Актёр-влак «Нӧнчык Патыр» йомак дене куандараш тӱҥалыт.
