Кугыжаныш кӱшеш пенсий, тидын шотыштак социальный пенсий, 2 процентлан вӱдшор тылзын 1-ше кечынже кугемеш. Марий Элыште ты тӱшкаш пурышо 17 тӱжем 677 пенсионер уло, нунын кокла гыч 16 тӱжем 230 еҥже социальный пенсийым налеш.

Марий Элыште социальный пенсийын кокла кугытшо 8 тӱжемат 554 теҥге лиеш. Тыгодым инвалид йоча да йоча годсек инвалидлан шотлалтше еҥ-влак 12 тӱжемат 681 теҥгем налаш тӱҥалыт, а ача-ава деч посна тулыкеш кодшо 18 ияш марте ийготан-влак – 10 тӱжемат 568 теҥгем.

Тидын годымак, законодательстве дене келшышын, кок пенсийм налше еҥ-влакын пенсийышт кугемеш. Тиде – военный травмым налше инвалид, Кугу Отечественный сарын участникше-шамыч, колышо военнослужащий-влакын ача-авашт да «Жителю блокадного Ленинграда» знак дене палемдалтше еҥ-влак, воза «Кугарня» газет.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.