Марий Эл Республикысе Виктер «Тазалыкаралтыш» калыкле проект кышкарыште амбулаторный онкологий полышым пуышо рӱдер-влакым почаш шонат. 2021-ше ийлан сай оборудованиян, уста специалистан медицина организаций-влак негызеш осал новообразованийым пален налаш полшышо рӱдер лийшаш.
«Онкологий чер дене кучедалмаш» регионысо проект кышкарыште 2019-2024-шо ийлаште кум медицина оргаизацийлан кӱкшӧ технологиян медицин оборудованийым ситарышаш улыт. Чылаже 98 единице оборудованийым налаш палемдыме.
Тичмаш налмаште «Тазалыкаралтыш» калыкле проектым шыҥдараш Марий Элыште 12 миллиард теҥге оксам кучылтшаш улыт. Тушечын 161 миллионжо республикын, 2 миллиардше федерал бюджет гыч, 9 миллиард утлаже моло источникла гыч толшаш.