Йошкар-Олаште теле деч вара чапкӱ ден монумент-влакым мушкыт. Тидын нерген ола мэрын икымше алмаштышыже Лев Покровский соцкылыште увертара.
Кеҥеж жаплан ямдылалтмаш чолган кая. Молан манаш гын, турист-влак эн ончычак шке тӱткышыштым чапкӱ деке виктарат. Эн ончыч Оболенский–Ноготковлан чапкӱм уэмдыме. Тиддеч посна корно воктелсе савар-влакым лавыра деч эрыктат. Тыгай пашам рӱдӧ да Вознесенкий кӱварыште шуктымо.
Оласе газон, парк, кудывечылаште шӱкшакым погат, остановкыла ден изи архитектура формо-влакым олымктен чиялтат, 1 майлан волгалтарыман фонтан-влак чӱкталтыт. Икманаш, олаште шошо месячник умбакыже шуйна.