Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Вуйлымаш
Событий
- Сарзе чап кече. Лач тиде кечын историйыште келге кышам кодышо «Ледовое побоище» кредалмаш лийын. Руш-влак, Александр Невскийын вуйлатымыж почеш Чудской ерыште немыч рыцарь-влакым кырен шалатеныт.
- 1902 ий — Преступникым пален налаш манын икымше гана дактилоскопийым ыштеныт.
- 1922 ий — Моско олаште автобус маршрутым почыныт.
- 1923 ий — Моско олаште «Динамо» пролетар спорт ушемым почыныт.
Шочыныт
- 1928 ий — Виталий Александрович Ерошкин, курыкмарий серызе, почеламутчо, туныктышо.
- 1934 ий — Феония Тихоновна Сергеева, марий йылмызе, шанчызе, туныктышо.
- 1959 ий — Вениамин Анатольевич Васильев, офицер.
- 1964 ий — Владимир Иванович Актанаев, тӱвыра да кугыжаныш пашаеҥ.
Калык пале
- Руш калык пале почеш тиде кечым Федул кече лӱмденыт. Мардеж кече.
- Тиде кече деч вара эше йӱштӧ лийын кертеш, но теле тургым пытаак.
- Федул кече але кечан, але йӱран гына лиеш.
- Федул кечын лыве ылыжеш.