Таче вӱдшор тылзын 26-шо кечыже. Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Событий:

  • Марий талешке кече. 1556-шо ийыште Полтыш Он шке вуйжым пыштен.
  • Радиаций туткарыште да эҥгекыште колышо-влакым шарныме кече.
  • 1986 ий — Чернобыльысе АЭС-ыште туткар.
  • 1658 ий — Алексей Михайлович кугыжан кÿшткышö почеш Кремльын тÿҥ башньыжлан Спасский башне лÿмым пуымо.
  • 1792 ий — «Марсельеза» революций чапмуро шочын.
  • 1991 ий — репрессироватлыме калыкын реабилитацийже шотышто тöртыкым пеҥгыдемдыме.
  • 1997 ий — «Поро кумылым ончыктымо да айдемым эмлыме» лӱмеш орденым пеҥгыдемдыме.

Шочыныт:

  • 1886 ий — Габдулла Тукай, суас калык почеламутчо.
  • 1931 ий — Алексей Павлович Стрельников, шанче-ветеринар.
  • 1967 ий — Евгений Павлович Ибраев, марий актер.

Калык пале:

  • Фомаидан кечыже. Тиде кечын кресаньык-влак кечыйолшудым погеныт. Рушлаже тудым медуница маныт. Ты шудо дене чайым шолтеныт, салатым ыштыме годымат кучылтыныт.
  • Марий калык гын тиде кечын шинчаланшудым поген да шӱрым шолтен. Кугезына-влак ойöрöм эскереныт: шудым, саскам мландылан тауштыде налаш ок йӧрӧ – шудо-саска деч посна кодат.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.