Москошто Марий Элын 100 ияш лӱмгечыжлан ямдылалтме шотышто оргкомитетын заседанийже эртен

Марий Элым вуйлатыше Александр Евстифеев Россий Правительство председательын алмаштышыже Виталий Муткон эртарыме республикын 100 ияш лӱмгечыжлан ямдылалтме шотышто оргкомитетын заседанийыштыже участвоватлен.

Совещанийым почшыла Виталий Мутко ушештарен: 2018-ше ий шыжым оргкомитетын заседанийыштыже палемдыме кӱштымаш- шукталтыныт. Тичмаш налмаште ямдылалтмаш сайын кая. Ятыр тӱвыра мероприятийым палемдыме, шукыжо кызытак республикыштат, ӧрдыжтат эртаралтеш. Тӱвыра поянлык нерген ойлымо годым, филармонийын пӧртшым чоҥен пытарыме йодышеш шогалын. Ынде тиде пашалан федерал кӱкшыт гыч полышым пуаш пунчалме.

Республикым вуйлатыше ешарен: республике лӱмгечылан ямде лийже манын, кажне кечым пайдалын кучылтман. Калыклан илаш да сайын пашам ышташ илышын чыла сферыжым сайын ямдылыман.

© Фото предоставлено организационно-аналитическим управлением Главы Республики Марий Эл

Тазалыкаралтыш объект-влак нергенат ойлымо. Евстифеев Йошкар- Олаште перинатал рӱдерым чоҥаш кӱлмӧ да Козьмодемьянскыште чоҥен пытарыдыме районысо эмлымевер нерген ушештарен. Тунемме тӧнеж-влакым чоҥымо, Калык келшымаш пӧртым ыштыме нергенат ойлен.

© Фото предоставлено организационно-аналитическим управлением Главы Республики Марий Эл

Совещанийыште тыгак аэропортын пашам ышташ тӱҥалмыже нерген эше ик гана йодышым нӧлталме. Виталий Мутко палемден: июльышто самолёт-влак чоҥештылаш тӱналыт, калыкын мыняр коштмыжымат аклымаш эрта. Тошто пӧртла гыч калыкым кусарыме йодышымат ончымо, ола кумдыкым тӱзатыме да корным олмыкташ оксам ешарен ойыраш лийме нергенат ойлымо. Нине йодыш- влак лӱмгечылан ямдылалтме годым гына огыл кӱлыт, а республикым умбакыжат вияҥдыман.

Александр Евстифеев Россий правительство вуйлатышын алмаштышыжлан лӱмгечым палемдаш ямдылымылан да республикын илышыжым келгын умылымылан тауштен ойлен.

Кидшер
Шонымашым ешараш