Марий Элыште тений 10 тӱжем георгиевский тасмам пуэдаш палемдыме. Кугу Ачамланде сарыште сеҥымылан 74 ий темме вашеш вӱдшор тылзын 27-ше кечыже гыч Марий Элыште тасмам пуэдаш тӱҥалыт.
«Сеҥымашын волонтёржо-влак» ушемын увертарымыж почеш, тасмам Йошкар-Олаште гына огыл, райрӱдылаштат налаш лиеш.
Акцийыш ушнаш шонышо-влак «Сеҥымашын волонтёржо-влак» деке йодмаш дене лектын кертыт.