Марий калыкын XI-ше погынжо 2020 ийыште лийшаш

Марий калык погын ныл ийлан ик гана чумырга. Тушко кажне кок тӱжем марий деч ик делегат сайлалтеш.

Марий калыкын XI-ше погынжо Йошкар-Олаште 2020-шо ий вӱдшор тылзыште лийшаш. Тидын нерген да организационный комитетым ыштыме шотышто распоряженийым Марий Элым вуйлатыше Александр Евстифеев пеҥгыдемден.

Тений ага тылзын 31-ше кечыже марте оргкомитет погынлан ямдылалтме да эртарыме шотышто мероприятий-влакын планжым ыштен шуктыша, возымо документыште.

Теме дене чумыр материалым «Марий калык погын» сюжетыште лудса.

Оргкомитетыш 40 еҥ пурен. Тудым республик вуйлатыше шке вуйлата. Марий калык погын ныл ийлан ик гана чумырга. Тушко кажне кок тӱжем марий деч ик делегат сайлалтеш. Погынын исполнительный органже — Мер каҥаш. Погынышто кызытсе финн-угор тӱнян пӱсын шогышо йодышыжо-влак каҥашат, Мер каҥашын вуйлатышыжым сайлат.

Йолташ-влаклан палдараш
Кидшер
Шонымашым ешараш