В. Васильев лӱмеш марий научно шымлыше институтышто шанче-практик да тӱвыра-мер «Икымше Ӱпымарий лудмаш» Россий кӱкшытан шанче-практик конференций. Тушко йот эл гычат участник-влак толшаш улыт.
Темыже «Кызытсе жапысе компаративистикын (але йылме-влакын ик тукымыш пурымыштын) пӱсын шогышо йодышыжо-влак». Тудо марий шымлызе, филологий науко доктор, профессор Николай Исанбаевын 90 ияш лӱмгечыжлан пӧлеклалтеш.
Палемдена, Марий талешке кечын — вӱдшор тылзын 26-шо кечынде республик да марий-влакын тӱшкан илыме кундемлаште ятыр мероприятийым эртараш палемдыме.