Мер Каҥаш лÿм дене чыладамат Марий талешке кече дене саламлем!

1990 ийла тӱҥалтыш годсек кажне ийын вӱдшор тылзын 26-шо кечынже марий калыкна Талешке кечым ик эн жаплыме пайрем семын палемда. Ынде тиде пайрем марий тӱня мучко шарлен. Тидыже куандара да шке калыкна верч кугешнымашым шочыкта.

Калыкна ожнысек Акпатырым, Акпарсым, Мамич-Бердейым, Полтышым, Чумбылатым, Чоткарым акла. Кодшо курымым налаш гын, Сергей Чавайным, Яков Майоров-Шкетаным, Иван Ключников-Палантайым, Тимофей Евсеевым, Йыван Кырлам, Яков ден Андрей Эшпаймытым, Никон Игнатьевым, Иван Ивановым, Иван Галкиным порын шарна. Тиде радамыштак Кугу Ачамланде сарын геройжо-влак улыт.

Пагалыме марий-влак! Ончыкыжымат шке калыкнам жаплаш, шочмо йылмынам аклаш, тудын дене вожылде мутланаш ӱжам. Кугезе йӱланам шарныза, йӧратыза да вияҥдыза. Самырык тукымым марий шӱлышеш шуарыза.

Уло марий калыклан пеҥгыде тазалыкым, кужу ӱмырым, вашла пагалымашым да пиалым тыланем.

Талешке кече дене!

Оньыжа Александров Эдуард Васильевич

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.