-12 C
Йошкар-Ола

Оньыжа Эдуард Александров марий калыкым Кугече пайрем дене саламла

Мер Каҥаш лӱм дене уло кумылын волгыдо Кугече пайрем дене саламлем!

Кугече – шошо пагытын эн кугу пайремлан шотлалтеш. Акрет годсек коча-кована-влак ты пайрем вашеш, йырваш ылыжше пӱртӱсым чапландарен, еш да тукым, тыгак кундемысе мер кумалтыш-влакым эртареныт. Пайрем кышкарыште кумда верым мланде пашам тӧрлымылан ойыреныт.

Кугезына-влак Ю куатлан ӱшанен, чон арулыкым кычал, аралтышым йодын, сулыкым касараш сӧрвален, йӱла радамым эртареныт, модыныт, куштеныт, муреныт. Тыге нуно пӱртӱсын порылыкшым шке декышт ӱжыныт.

Тачат ме, марий-влак, кугезына-влакын йӱлаштым арален Кугечым пайремлена.

Пайрем кече вашеш еш кӧргӧ пиалым, сурт-пече поянлыкым, ӱстелтӧрыштӧ лыҥ тутло сийым, ший йолва гай весела кумылым тыланем. Кугече кече гай волгыдо илышан, тичмаш кинде гай перкан, ваш-ваш умылымашан лийза.Чевер муно гай модын-пӧрдын илыза.

Кугече дене!

Оньыжа Александров Эдуард Васильевич

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт