Кечышот. 30 пеледыш (июнь)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Вуйлымаш

Парламентаризм кече
1908 ий — Сибирь тайгашке Тунгус метеорит камвозын.
1936 ий — Йошкар-Оласе музык училищылан И.С. Ключников-Палантайын лӱмжым пуымо.
1941 ий — Воронеж оласе Коминтерн лӱмеш заводышто икымше «Катюша» сарзе машина-влакым ыштен лукмо.
1971 ий — «Союз -11» космический корабльын экипажше колен. 3 космонавтын: Георгий Добровольскийын, Владислав Волковын да Виктор Пацаевын лӱмыштым тылзын кратерже-влаклан да изи-планета-влаклан пуымо.

1881 ий — Агриппина Васильевна Боброва-Ишпайкина, сотемдарыше, марий ÿдырамаш-влак кокла икымше революционер.
1920 ий — Андрей Тарасович Наумов, озанлык пашаеҥ.
1928 ий — Алла Николаевна Гзыло, театр сӱретче.
1947 ий — Людмила Ивановна Кожевникова, партий пашаеҥ.
1950 ий — Иван Фёдорович Васильев, экономист да кугыжаныш вуйлатыше.
1978 ий — Татьяна Николаевна Беляева, марий шанчызе, йылмызе, туныктышо.
???? ий — Светлана Горохова, тӱвыра пашаеҥ, мурызо.
1992 ий — Лилия Владимировна Боголюбова (Петухова), мурызо.

Мануил Солнцестой. Ты кечын кум изак-шолякым: Мануилым, Савелийым да Исмаилым шарналтат. Калык ой почеш, ты кечын мӧҥгыштак шинчыман. Тулым чӱктыман огыл, шем вий тулым ужын толеш – маныныт.