Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Вуйлымаш
Событий
- 1670 ий — Степан Разинын войскаже Астрахань олам руалтен налыныт.
- 1776 ий — УАШын независимость нерген декларацийыш кидым пыштыме.
Шочыныт
- 1936 ий — Геннадий Михайлович Пирогов (Макартук Геня), марий серызе, почеламутчо, журналист.
- 1941 ий — Валерий Борисович Голубев, журналист, шанче да мер пашаеҥ.
- 1949 ий — Наталья Сергеевна Морова, шанче да туныктыш пашаеҥ.
- 1964 ий — Андрей Иванович Яшин, амалкалче.
Калык пале
- Православий календарь почеш таче Юлианын кечыже. Тиде кечын писте пеледышым погат. Тыгак маныныт: кӧ писте пушеҥгылан эҥгекым ышта, мутлан укшыжым тодылеш – тудо кунам-гынат чодыраште йомеш.
- Марий калык пистым Шнуй пушеҥгылан шотла. Писте чыла чер деч утлаш полша, маныныт. Сандене Шнуй писте дек кумалаш миеныт, могай-гынат надырым пыштеныт. Южо кундемлаште писте йочам ыштен кертдыме ӱдырамашланат полша, маныныт: тидлан ӱдырамаш йӱдым шнуй верышке мийышаш да чара могыр дене пистыш кӱзышаш улмаш.
