Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Вуйлымаш
Событий
- Пётр да Феврониян кечыже. Еш, йӧратымаш да ӱшанлык пайрем.
- 1944 ий — «Мать героиня», «Материнская слава» да «Медаль материнства» орден-влакым кучыкташ палемдыме.
- 1992 ий — Марий АССР-ын конституцийышке ешартышым ыштыме дене регионын лӱмжым Марий Эл Республик семын пеҥгыдемдыме.
Шочыныт
- 1920 ий — Николай Васильевич Кожаев, марий серызе, почеламутчо, журналист.
- 1934 ий — Анатолий Фёдорович Щеклеин, ял озанлык вуйлатыше.
- 1939 ий — Виктор Павлович Черноусов, механизатор.
- 1939 ий — Пётр Семёнович Мерзляков, журналист.
- 1956 ий — Иван Викторович Логинов, кугыжаныш пашаеҥ.
Калык пале
- Пётр да Феврониян кечыже — йӧратыше-влакын пайремышт. Но ожно тиде пайремым мужыраҥше вате-марий гына палемденыт. Калык ой почеш, вӱдыштӧ вӱдӱдыр-влак сер дек лишемыт, сандене йӱштылмӧ годым поснак тӱткӧ лийман.
- Вес калыкын мифологийже дене таҥастарымашыште марий калыкын вӱдӱдыржӧ кол почан огыл, а кок йолан. Шукыж годым тудо тура кечывалым лектеш, вӱдӱдырым ужшо-влак моткоч мотор, кужу ӱпан, чара могыран ӱдырым сӱретлат. Но марий вӱдӱдыр пӧръеҥ-влак деч моткоч вожылеш да лӱдеш.
