Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Пайрем да памятный дате-влак
- ООН — Ӱдыр-влакын тӱнямбал кечышт.
- ЛГБТ — Каминг-аут кече.
- Пошкырт Эл — Республик кече.
- Македоний — Восстаний кече.
Событий
- 1702 ий — руш войска-влак швед-влакын Нотебург (Орешек) орым руалтен налыныт.
- 1862 ий — Австралийыште икымше университетым почмо.
- 1961 ий — Семипалатинск полигонышто икымше гана мланде йымалне атом бомбым пудештареныт.
- 2009 ий — Марий Эл Республикын Кугыжаныш погыныш сайлымаш эртен.
Шочыныт
- 1930 ий — Эрик Александрович Исаков, марий серызе.
- 1916 ий — Сергей Николаевич Бутяков, Совет Ушем Герой.
- 1925 ий — Валерий Алексеевич Патеев, педагог, Россий Федерацийысе школын сулло туныктышыжо. Шкеже Курыкмарий кундемысе Церкансола села гыч. Кугу Ачамланде сарыштат лияшыже логалын. Ончыч Килемар, вара Курыкмарий кундемласе школлаште туныктышылан пашам ыштен. Педагог-универсаллан шотлалтеш: 18 предметым вӱден.
- 1927 ий — Александр Иванович Сурьянинов, кугыжаныш пашаеҥ. Курыкмарий кундем Троицкий Посад селаште шочын. Шинчымашым Архангельск оласе чодыра техник институтышто поген. Паша корныжо Йошкар-Олаште 1959-ше ий гыч тӱҥалын. 15 ий «Марилес» комбинатыште вуйлатышылан тыршен, чодыра озанлык министрын алмаштышыжат лийын. А 1981-ше ий гыч ял озанлык министр пашаш шогалын. Суапле пашажлан «Знак Почёта» орден да ятыр чап танык дене палемдалтын.
- 1957 ий — Владимир Иванов (Владимир Алексеевич Иванов), марий серызе, почеламутчо.
- 1959 ий — Сергей Петрович Никитин, амалкалче. Тудо Свердловск велысе Красноуфим кундемыште шочын-кушкын. Шке шочмо велыштыже ужалыме фирмыште менеджерлан пашам ышта. Урал марий-влакын чолга мер пашаеҥже семын кугу пагалымашым сулен.
- 1960 ий — Игорь Иванович Панов, Россий Федерацийысе туныктышын сулло пашаеҥже. Красноярск мландыште шочын-кушкын. 1985-ше ийыште Марий кугыжаныш педагогоик институтым тунем лекмек, Медведевысе 2-шо номеран кыдалаш школышто археологий кружокым вӱдышылан, а вара туныктышылан пашам ышташ тӱҥалын. Игорь Иванович Марий Элыште археологий тоштерым чумырышо-влак кокла гыч ик эн уста да талыже.
Калык пале
Харитонын кечыже. Тиде кечым мöҥгыштак эртараш тыршеныт. А самырык мужыр мужедше дек ик кöршöк мӱй дене мужедыкташ миен, поснак ончыкылык аван тазалыкшым пеҥгыдемдаш йодын мужедыктеныт.