Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Пайрем да шарнымаш кече-влак
- Россий — Элкӧргӧ паша министерствын вневедомственный аралтыш службышто тыршыше-влакын профессионал пайрем кечышт палемдалтеш.
- Совет Ушем — Косомолын шочмо кечыже.
Событий
- 1922 ий — Моско олаште революций театрым почмо. Кызыт тудо Владимир Маяковский лӱмеш театр лӱмым нумалеш.
- 1929 ий — Кугу экономик кризис (Кугу Депрессий) тӱҥалын.
Шочыныт
- 1898 ий — Майоров-Шкетан (Шкетан, М. Шкетан), марий серызе, журналист, драматург, литератор, мер пашаеҥ, СССР Серызе-влак ушемын йыжъеҥже.
- 1912 ий — А. Мичурин-Азмекей, марий серызе, прозаик, кусарыше, СССР Серызе-влак ушемын йыжъеҥже (1957), Марий АССР-ысе тӱвыран сулло пашаеҥже (1982), 1941–1945 ийласе Кугу Ачамланде сарын участникше.
- 1941 ий — Виктор Павлович Ившин, шанче пашаеҥ, биологий шанче доктор, Марий кугыжаныш университетын профессоржо, Марий республикын сулло шанче пашаеҥже.
- 1950 ий — Иван Федорович Яперов, инженер-механик. Медведево кундем Ятман ялыште шочын-кушкын. Профессийжылан келшыше шинчымашым Марий политехник институтышто налын. 1977-ше ий гыч «Кристалл» ушемыште инженерлан, вара пӧлка вуйлатышыланат тыршен. Электронасос агрегат-влакым ямдылымаште у технологийым кучылтмыжлан кугыжаныш премий дене палемдалтын.
- 1965 ий — Татьяна Валентиновна Лядова, тӱвыра пашаеҥ. Шкеже Козьмодемьянск ола гыч. Ойырен налме профессийлан уш–акылжым Озаҥ оласе кугыжаныш тӱвыра институтышто пойдарен. 1996-шо ий гыч Марий Эл республикысе тӱвыра да сымыктыш колледжыште «театр усталык» пӧлкан туныктышыжо сомылым шуктен. Вараже вуйлатышыже лийын. Кок ий «Воштончыш» йоча да самырык усталык мер ушемым вуйлатен. Но икмыняр жап гыч паша корныжо Озаҥ оласе театр училищишыке куснен: тыштат тудо туныктышылан тыршаш тӱҥалын.
Калык пале
Лонгинын кечыже. Шнуй Лонгин деч калык шинча черым эмлаш йодын кумалын. Пыл лоҥга гыч кече ончалеш гын, тудын волгыдыжо юзо виянлан шотлалтеш – чыла чер дечат эмла.