Кечышот. 29 ноябрь (кылме)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш кече

Событий

  • 1919 ий — Майоров-Шкетан лӱмеш кугыжаныш драмтеатрлан негызым пыштыме.

Шочыныт

  • 1920 ий — Зарецких Михаил Александрович, лётчик, Совет Ушем Герой, Кугу Ачамланде сарын Геройжо. Сарыште тудо разведчик-штурмовик сомылым шуктен: шуко разведанныйым конден. Шкежат 600 наре тушман салтакым, 50 автомашинам, 5 танкым, 92 вагоным пытарен. Тудлан 1945-ше ийыште Совет Ушем Герой чап лӱмым пуымо. 1957-ше ий гыч Йошкар-Олаште илен. Хасанов урем, 9-ше номеран пӧртын пырдыжыштыже тудлан мемориал онам сакыме. Виче кундем Кильмез районысо Таутпочинга ял гыч.
  • 1951 ий — Кубеков Валериан Зиновьевич, ялозанык пашаеҥ. Курыкмарий район Ӱл Солаволкӹ ялыште шочын. 1999-ше ий гыч тудо шочмо кундемыштыже Мосолов лӱмеш ял озанлык ушем вуйлатышылан тыршаш тӱҥалын.
  • 1967 ий — Александрова Ирина Шамаевна, марий шанчызе, туныктышо, педагогике шанче кандидат (2003), доцент.
  • 1973 ий — Мухаметов Вадим Андреевич, Россий герой Пошкырт кундем Пӱрӧ олаште шочын. 1991-1993-шо ийлаште Таджикистанысе Коклаазий погранокругысо заставыште службым эртен. Лӱддымылыкым, патырлыкым ончыктымыжлан Герой чаплӱмым сулен налын.
  • 1975 ий — Иванов Валерий Вячеславович, Российын Геройжо. Волжск кундемын патыр эргыже 1994-ше ийыште Чечняште колен: йӱлышӧ машинашке шинчын, тудым йолташыже-влак деч торашкырак нангайынеже улмаш, но машина пудештын. Тыге Валерий шке йолташыже-влакым арален коден. Тудын лӱмжым Волжск оласе 2-шо №-ан школ нумалеш, а капше Олыкъялысе шӱгарлаште кия.

Калык пале

 

Кидшер
Шонымашым ешараш